يعيش مولانا و بطيخ مولانا
زعلان من الثورة دى ليه ؟ يا فلولي يا أبن الإيه
ما خلاص و ضمنا الجنة و حقيقى إتغير حالنا
شوارعنا ترابها بيبرق و زرعنا رصيفها ريحان
لا فساد هنعيش و لا واسطة و الرشوة ما نعرفهاش
و يعيش مولانا و بطيخ مولانا
من اليوم هتصلي براحتك و تصوم و تزكي كمان
فرعون و همان حابسينهم و شيطانك أدبناه
و النُخبة خلاص أهي تابت و لا كدب ولا تدليس
ما تخفش التوبة نصوحة مش توبة معاها تهجيس
و يعيش مولانا و بطيخ مولانا
الموزة بقت دراعين و القشرة دى حاجة لذيذة
و الفرخة زادت جناحين وبيضتها كمان صفارين
باميتنا بلح أمهات و الكيلو إتنين ببريزة
و تيرانا كمان نحلبها و القشطة خلاص ببلاش
يعيش مولانا و بطيخ مولانا
واللحمة كمان يا جماعة الكيلو تلاتة بجنيه
ده رغيفنا إسم الله عليه طوابيره ما بينشوفهاش
أنبوبة لكل مواطن و عليها طبخة هدية
و العيشة عيشة هنية و الفقر ودعناه
يعيش مولانا و بطيخ مولانا
و خلاص لا نفاق و لا زفة بطلنا كماان تهييس
ما تقولش خناق و لا زحمة نظمنا حياتنا يا هوه
و شبابنا رمي البزازة في الصحرا و بيعمرها
و الارض بتطرح مانجا و بيئتنا بيئة نظيفة
يعيش مولانا و بطيخ مولانا
أرحمنا ياعم و فوق و ياريت كمان تتغطي
و بلاش أحلام وردية و كلام إنشا و غباوة
لا في يوم هتمطر فضة و لا تطرح حتي كراوية
الدنيا عايزة الهمة مش بس هلاووس ثورية
زعلان من الثورة دى ليه ؟ يا فلولي يا أبن الإيه
ما خلاص و ضمنا الجنة و حقيقى إتغير حالنا
شوارعنا ترابها بيبرق و زرعنا رصيفها ريحان
لا فساد هنعيش و لا واسطة و الرشوة ما نعرفهاش
و يعيش مولانا و بطيخ مولانا
من اليوم هتصلي براحتك و تصوم و تزكي كمان
فرعون و همان حابسينهم و شيطانك أدبناه
و النُخبة خلاص أهي تابت و لا كدب ولا تدليس
ما تخفش التوبة نصوحة مش توبة معاها تهجيس
و يعيش مولانا و بطيخ مولانا
الموزة بقت دراعين و القشرة دى حاجة لذيذة
و الفرخة زادت جناحين وبيضتها كمان صفارين
باميتنا بلح أمهات و الكيلو إتنين ببريزة
و تيرانا كمان نحلبها و القشطة خلاص ببلاش
يعيش مولانا و بطيخ مولانا
واللحمة كمان يا جماعة الكيلو تلاتة بجنيه
ده رغيفنا إسم الله عليه طوابيره ما بينشوفهاش
أنبوبة لكل مواطن و عليها طبخة هدية
و العيشة عيشة هنية و الفقر ودعناه
يعيش مولانا و بطيخ مولانا
و خلاص لا نفاق و لا زفة بطلنا كماان تهييس
ما تقولش خناق و لا زحمة نظمنا حياتنا يا هوه
و شبابنا رمي البزازة في الصحرا و بيعمرها
و الارض بتطرح مانجا و بيئتنا بيئة نظيفة
يعيش مولانا و بطيخ مولانا
أرحمنا ياعم و فوق و ياريت كمان تتغطي
و بلاش أحلام وردية و كلام إنشا و غباوة
لا في يوم هتمطر فضة و لا تطرح حتي كراوية
الدنيا عايزة الهمة مش بس هلاووس ثورية
ليست هناك تعليقات:
إرسال تعليق