لرؤيتك نادماً باكي .. هاتفاً يا مصر هتوحشني أرضك و سماكي ..
و أنا قاعد في النمسا متيم في هواكي..
بس سامحيني مش هقدر أرجع بشكل أساسي ..
وكمان مش هأقدر أشارك في السباق الرئاسي ..
لأني مش غاوى سلطة و كراسي ..
أصلي هوائي و مش راسي ..وعمرى ما خدت قرار من جوه راسي ..
خلصت دورى و مهمتي بنجاح ساحق .. و سوقت الجميع في سباق متلاحق
.. و من حقي أعيش براحتي اليوم اللاحق
هيه السياسة كده لعبة كبيرة و عدم الإلتزام بقواعدها حاجة خطيرة
و الصحة راحت و العضمة شايخة و كبيرة
و الأرض عنديكوا رطبة و البلد مشاكلها كتيرة
عايزة جهد ليل و نهار و رئيس جديد تشبعوا فيه شتيمه و نقار
تأكلوه الصبح فول و الغدا بمبار و العشا لو فيه جبنه و خيار
و أنا الطب واصفلي السيمون فيمية و الكافيار
و أنام ساعتين كمان بالنهار
بس أمانه تمثال بالحجم الكبير لعمو البرادعي ذو القلب الكبير
.. أما رسالتي لجمهور التغيير ..
مبروك عليكم ميدان التحرير .. هدية مني للشباب الأمامير
تظاهر و إعتصام و قوانين و دساتير
هيصة و فتة و دولارات ويورو و فلوس كتييرررر ..
وفي النهاية .. هابي نيو يير
ليست هناك تعليقات:
إرسال تعليق